周大福（1929）執行董事鄭志剛（Adrian）向來係大忙人，家族企業幾乎間間都有幫手打理，佢最新嘅project就係幫周大福新收購回來嘅美國鑽石品牌Hearts On Fire（HOF）進軍內地市場，賣超閃鑽石冧名媛，真係無時停。
Adrian噚日喺上海出席HOF登陸中國市場嘅發佈會兼晚宴。由於HOF嘅企業顏色係紫色，所以大會都要求各位出席人士穿戴紫色禮服或者配件。向來一身行頭都襯過晒嘅Adrian，噚晚竟然冇着紫色，令華華有啲失望，佢話臨時搵唔到條紫色袋巾，所以惟有着紫紅色冷衫頂檔先：「都紫紫哋啦！」
一講HOF，Adrian賣花讚花香，指HOF鑽石可折射90%的光線，特別閃㗎。