【本報訊】雨傘運動爆發滿兩月，金鐘佔領區地標「連儂牆香港」歷日曬雨淋，繽紛五彩漸漸褪色。一面牆，竟流露某種疲態。幸而，在連儂牆殘破前，有群年輕人已將寫滿人們心聲的小紙條，逐一攝入鏡頭內，稍後上載網絡世界，為運動留下記錄，「萬一實物冇咗，精神都可以保存住」。
將可在網上重溫
保育連儂牆的工作，至少有兩批年輕人在做。連儂牆發起人之一的社工周子，與30多位朋友上月起一連三天，拍下牆上每一張便條，同時記錄張貼位置；層層叠叠的也逐一翻起，拍好了就用膠紙貼穩，總共13,000多張。他們也把整面牆以極高解像度拍下，務求人們在網上重溫時，以游標指到連儂牆照片上某個位置就彈出在該處的便條。
工程如此浩大，周子笑言「碌爆晒朋友卡」，尤其佩服日夜趕工的軟件工程師們。他表示，技術上仍然需要處理與facebook及Google地圖整合，希望以後人們可以透過社交平台分享。
周子認為，每張紙條象徵着每一個獨立個人的話語權，「其實係個隱喻，清場係將把每個人嘅話語、喺度做過嘅事，灑水已經可以冇晒，政府唔在意每個人嘅聲音」。
周子說，運動爆發兩月來，猶如進入了《龍珠》中的「精神時光屋」，「入去15分鐘就可以練三年功，明明啱啱先過中秋，咁快又有聖誕樹？」
上月連夜紮營露宿，全職上班的周子捱得病了一場，加上暴雨令營內的家當發臭，必須帶回家清洗，通宵佔領日子告一段落，「但係唔會唔想再嚟，做到幾多盡做。但感覺好似啲重建戶，終有日會被市建局逼遷，永遠唔知幾時拆，焦慮一直都喺度」。
與周子團隊平行地保育連儂牆的還有藝術家South，他仔細地為連儂牆拍照。他說佔領運動令他對香港更期待，「好似帳篷咁吖，冇門㗎喎，又有人以物易物，令人反思香港嘅生活模式」。South笑言若非佔領，不會學懂紮營與「瞓街」，「係逼出嚟，但就算清場都入晒腦，對識反思嘅人嚟講好重要，今次成為一粒好得意嘅種子入咗香港人嘅心，靜待發芽」。