【疑遭報復】
房協長沙灣新盤喜盈昨開價，據悉代理佣金3%，較一般新盤2%至2.5%為高，惟項目僅130伙，代理爭客勢爭崩頭。昨日即傳「佣金回爆男」羅生門事件，一張印上香港置業標誌的街招，寫上「佣金回贈2.9%」，即只收樓價0.1%作佣金，並附有該行經紀電話，記者致電求證，當事人伸冤，強調：「絕無此事！」
記者致電當事人，他開頭就說：「講真，我會唔會咁蠢，大字標題，仲要留埋自己電話影衰自己個名呢？唔會！（你有冇製作過這張廣告招紙？）我發誓，真係無做過。」他無奈道：「由中午12點開始，大大話話有幾百個電話打來，好多都沒有顯示來電，放蛇有又，被人問候XX都有……（咁都要問候？）因為行家覺得我搞寸個party囉，做呢行搵飯食，邊有可能收得0.1%喎！（要換電話嗎?）清者自清，希望過一排回事。」他表示，最近曾與某間代理就爭客事件口角及動武，不排除被報復。
香港置業昨發嚴正聲明指，鑑於事件對公司及該同事聲譽造成損害，故已報警，並向地監局備案。地監局發言人指，現行條例沒有就代理可否回佣給買家有任何訂明。然而如有任何優惠，代理須告知買家，說明是發展商提供或代理提供。若屬後者，須書面形式通知，具體列明優惠內容及條款。