【維基開戰之順應民意】以政治選舉鬥爭為題材的港視開台劇《選戰》，將於明天播映第三集，承接上集特首候選人陸偉陶（曾偉權）被揭床照因而爆發政治危機，陸偉陶承受不了壓力，決定退出選舉並推薦宋漫山（廖啟智）頂上，誰不知因為王主任的一個電話，迫令陸偉陶不得退選，好夢成空的宋漫山心生不忿，最後陸偉陶約宋漫山上天台見面，扮作若無其事的宋漫山，本來打算向醉醺醺的陸偉陶下毒手，不過最終沒有下手，但已經埋下行兇的伏線。
政商勾結取提名票
與此同時，對於有記者上門向葉晴（李心潔）稱有報料指當年韋文軒為得到提名票，不惜洩露行會機密獲取利益，葉晴與記者回家查閱電話紀錄途中遇上車禍，為不令真相曝光，葉睛燒毀文件，但原來告密者正是張癸龍（王宗堯），目的是考驗葉晴是否繼續堅持固執，否則即使身邊人用盡方法幫她，亦只是徒勞無功，不過事實上葉晴為了得到提名票，早已與碼頭公司達成協議，勸三名因工潮遭秋後算賬的工人接受條件和離開。
此外，一向順應民意的港視，獲悉有不少觀眾覺得一星期只播映一集實在太少，於是昨日在官網上留言：「因為劇集上月底先煞科，後製需時，只可以逢星期六出一集。所以，經王維基同製作組同意，由今個星期開始，除本身的預告外，還會額外在禮拜中，跟大家share下集的一小段戲，頂住癮，讓各位大人優先睇討論住先！正式放映時一定有字幕；而大家一直問要調較畫面光度的意見亦都收到喇！」
採訪：何慧斯
《選戰》逐格睇
曾偉權淪為內地棋子
曾偉權在《選戰》中扮演陸偉陶，劇情指他在參選特首期間與下屬有婚外情，似影射唐英年，他稱只是誤會：「只係將香港政壇上大小事擺落去設計個角色，呢個角色之後會被人勒索，同現實唔同，希望觀眾更投入睇得肉緊啲。」
「要理吓公平公義問題」
劇中的陸偉陶獲內地栽培做特首，但他只是棋子，曾偉權透露：「但劇情講我喺車震發生後搞到想死，唔想再選，所以佢都好慘，帶出一個訊息，風光背後人生係咪一定快樂？」
現實中當年的特首候選人包括唐英年及梁振英，曾偉權坦言：「當時冇一個人係我鍾意，我可以點做，冇得揀，反正都唔關我哋事，我哋都冇得投票。直至𠵱家新嘅『獅子山精神』喺搵食之餘，應該要理吓公平公義嘅問題，香港人以前完全冇政治意識，到𠵱家發生咁多事，其實都係一個學習。」
採訪：黃曉妍
攝影：陳慧安
【任君選擇】暗黑《選戰》新版變光啲
看罷兩集《選戰》後，不少人都投訴畫面太暗黑，看得好辛苦！該劇的總導演黃國強透露老闆王維基都有問點解，他昨日在電話中說：「佢有問過我哋係咪專登，其實我覺得政治世界係應該比較暗黑，色彩唔會咁豐富，只係估唔到壓縮後出街，啲黑色detail位會變成一『餅』嘢。」他透露計劃推出兩個版本，他說：「我哋𠵱家嘗試搞多個『市民版』，會將顏色調番光啲；而另一個係『正常版』，因為暗黑呢個效果係我哋原先想要，畀觀眾原汁原味去睇套劇。」
採訪：嵐山