大批警察喺旺角見人就打，似黑社會多過似警察，狼英口中嘅外部勢力見到咁嘅情況，點解唔幫拖呢？美國駐港總領事夏千福原來去咗「做節」。原來噚日係美國嘅感恩節，夏千福喺facebook話，美國人喺感恩節係會一齊用膳：「今年的感恩節，我就跟美國和香港同事共享了一頓滋味的火雞午餐。」夏千福仲要着埋圍裙，扮夾餸畀啲職員。
不過，唔少網民似乎不滿佢未有挺身而出，所以請夏千福快啲去旺角，「你知唔知旺角發生甚麼事？」、「夏sir呢個月潛咗水喎，香港人需要你幫手發聲」、「香港警察通街打平民呀！遲啲可能連喺香港嘅美國人都照打呀！」