【本報訊】連儂牆對開有片田。田裏作物林林總總，蘆薈旁是菜心，菜心旁又有棵辣椒，還有一列粟米，幾棵仙人掌。傘形苗圃內綠豆夾雜羽衣甘藍，昨天又插上10來朵向日葵。田邊有副紅棺材，上有梁特照片。「所有嘢都係一忽忽，唔協調，但又自有秩序，OK㗎」。每日在這裏理田的Emily說。
有心理準備被清掃
雨傘運動爆發後，Emily帶了10來盆菜苗到金鐘佔領區培苗。某天看到有個「鬼佬」在開墾土地，她就幫忙，菜苗也就全都落地扎根。運動滿兩月，這小田也剛滿一個月，Emily說：「雖然好多嘢好似各自各，但其實都係要同一樣嘢：大家要多啲自由，食自主嘅食物，有自由去選擇生活方式。」她享受種植那種控制不到的感覺，「種嘅人唔係種子主人，只係將種子放入泥土嘅人，種子會自然發芽、成長」。
清場風聲四起，Emily也早做好心理準備，田圃早晚被清掃，「從來冇諗自己係塊田嘅主人，只係善用呢個時間空間做啲嘢，如果政府咁都interpret係破壞……生活喺呢個地方，可能到死嘅一日都爭取唔到自由同民主，但我仍然可以選擇點樣去面對咁嘅政治同生活環境」。