繼前港督肥彭喺英國國會外交事務委員會作證後，下月2日，喺1995至2000年做《南華早報》總編輯嘅范力行（Jonathan Fenby，圖），同埋兩位包括經濟學人智庫亞洲研究總監林德康（Duncan Innes-Ker），以及倫敦大學東方與非洲研究學院高級講師Tim Pringle，都會出席聽證會。
現居倫敦嘅范力行在位時，相當敢言，離開《南早》後，透露離職同香港政治轉向有關，因為佢在位時，編輯方針相當勇敢、獨立，報道六四事件10周年燭光集會時，用過100次「屠殺」字眼嚟形容六四，范力行當年公開指上頭下令，要解僱批評大老闆郭鶴年等親北京人士及老董嘅員工。曾與范力行共事嘅林和立都大讚范力行作風開明，言論中肯，在位時頂住唔少嚟自新華社要傳媒唱好回歸嘅壓力。