講波真係好多怪事，Keyman就憶起荷蘭嘅一次︰「嗰次去咗荷蘭，現場得我一個，香港嘅廠就有啲同事喺度chit chat，大概講咗幾分鐘，公司同事打畀我，話我把聲快過畫面，原來畫面有兩秒delay！」
即係Keyman大叫入波之後，先至喺電視畫面見到入波，咁樣劇透晒好冇癮啫！
於是Keyman使出絕招︰「當時心諗，點樣人肉delay呢？就試吓啦！施丹o依家攞住個波，跟住講吓其他嘢先，然後再講返施丹攞住個波，然後又哈哈笑，咁樣頂咗半場！」咁都得？咪爭啲出事？「我反而覺得最有趣係，我比全香港人早兩秒知道呢件事！」嗱！心態決定一切，樂觀面對咪解決到囉！
講波都有球迷奇遇記！今晚11:00《亂噏24》足本版！