向華強嘅獨生子向佐因家族背景雄厚，一直以嚟都吸引好多女埋身，年初向佐同黃婉佩（Race）翻撻完又分手，最近更盛傳向佐，一邊撻着內地演員、離咗婚嘅人母王秋紫，一邊就蜜嗒大孖周志文嘅有米舊愛、𡃁模袁聖殷（CoCo），近水樓台嘅CoCo為出招擊退情敵，頻頻喺社交網晒同向佐愛貓合照，宣示主權。
自稱媽咪晒床照
本月中，半裸嘅向佐喺微博晒黑貓相並留言：「我家新成員，兩個月！黑面神！」CoCo就緊貼喺微信貼貓相，寫道：「寶貝黑面神，聽說黑貓擋煞且招財。」之後頻頻喺微信同微博貼貓相，仲以「媽咪」自稱：「媽咪要去旅行，小寶貝寸步不離，睏了便坐在一旁看着我睡，是捨不得我嗎」，相片中不乏CoCo同黑面神嘅床照，擺明暗示同向佐同居！
撰文：馮仁昭