有「頭箍小姐」之稱嘅財經事務及庫務局常任秘書長區璟智（54歲），政府噚日宣佈佢退休，新一輪官場音樂椅又開始！至於接佢個位嘅人，就係商務及經濟發展局黃灝玄（55歲），今次黃公公要調走，商經局局長蘇錦樑肯定有排頭痕，事關俾網民鬧爆、搞到早排衝擊立法會嘅網絡23條、即係《版權修訂條例》仲未掂，黃公公咁就走咗去，蘇局長一個人唔易頂。
咁邊個頂黃公公個位？就係現任旅遊事務專員容偉雄（53歲），而前特首煲呔曾前新聞秘書朱曼鈴（50歲），就由駐京辦調返香港做旅遊事務專員，而駐京辦主任個位就由現任民政事務局副秘書長傅小慧（49歲）接上。