民建聯Tree根鍾樹根（圖）「癡」開有鋪癮，噚日開工務小組嘅時候，又搵小組主席梁家傑嚟較飛。話說泛民接連成功中止咗兩個工程項目，Tree根心中有氣，於是向傑哥發洩，寸傑哥呢位「中止主席」都「好易做」，只係處理中止待續議案，然後更拎埋成個小組嚟出氣，話「咁多中止議程，係咪呢個會冇乜意義，你哋泛民議員咁鍾意自殺，咁不如你（梁家傑）都自殺，將呢個小組斬咗佢」。
反而Tree根黨友元秋蔣麗芸冷靜得多，叫傑哥同泛民割席，唔好贊成中止。難得元秋賞面，傑哥都話欣賞元秋姐嘅讚賞，但實情做主席係冇得投票。Tree根聽見又發作，明讚暗寸傑哥連主席唔投得票嘅議事規則睇到。其實睇唔睇到，好視乎有冇去睇嘅。