成日聽人講30歲前有呢樣嗰樣要做，Keyman就話o依家嘅新一代，好識追求自己想要嘅嘢︰「佢哋對自己係，比如30歲前一定要去working holidays，我哋以前唔會放低份工o架嘛！」Tanya亦非常贊同︰「其實係咪o依家嘅新一代，社會環境畀佢哋多啲空間去諗呢啲嘢？我覺得新一代至少知道玩嘅時候，都要玩得開心，唔會只顧住搏晒命做嘢！」
可以去working holidays梗係好，但係Tanya做議員時就真係忙到非常甩轆︰「我連運動都冇得做！嗰陣立法會有間房，有兩部跑步機，但係密室咁嘅樣！」徐緣就好奇問︰「咁點解你唔用呢？」Tanya即刻爆大鑊︰「好邪o架！用過嘅都連任唔到，一個係李永達，一個係劉江華，一用咗就…」都係徐緣轉得快︰「咁你就要諗下辦法叫蔣麗芸入去做吓喇！」
今晚11:00《亂噏24》足本版！30歲前有乜要做？！