港人最愛的街頭小食，雞蛋仔必定入選。但同一樣的雞蛋仔，為何有些特別好吃? 柳俊江決定親身去做雞蛋仔學徒，了解箇中奧秘。
他去到筲箕灣一間零裝修的雞蛋仔小店見工，老闆講到明好辛苦，不過鑑於請人困難，老闆姑且給他一個機會。
究竟這家小店的雞蛋仔，為何特別香脆鬆軟呢? 老闆坦言「條formula係由網上download落來，你在網上都見到。 」經過個多月的測試改良，每日食六、七底雞蛋仔，老闆終於成功研製出完美蛋漿。
不過攪蛋漿絕對不容易，柳爺便搞到「一身都係」，連波鞋都壯烈犠牲。加上他身高六呎，攪蛋時要彎腰低頭，非常辛苦。點知老闆竟然話「你唔需要彎低身做，同做人一樣。」果然有見地!
柳爺攪完一輪，開始烘第一底雞蛋仔，究竟佢成唔成功? 睇片就知!
低調高手大街小吃
地址：筲箕灣東大街76A B3地舖
電話：從缺
營業時間：星期一至五12pm-10pm、星期六日及假期11am-10pm
《飲食男女》與《蘋果動新聞》共同呈獻－小食大選2015，將於11月28日至12月11日接受投票！