仲有一個月就係聖誕，又係各大商場透過鋪天蓋地嘅佈置，畀大家selfie打卡嘅開心日子，舒解吓過去兩個月嘅鬱悶。港九兩個主要商場ifc同朗豪坊，今年嘅佈置已經有圖有真相。ifc今年請嚟澳洲知名建築事務所，喺一樓中庭搭建一個高達12米嘅大型室內建築藝術裝置「Jingle Bao」，市民仲可以走入去兼走上去，極盡視覺同聽覺享受。
朗豪坊方面，今年以「極地探索」為主題，4樓通天廣場及9至12樓多個樓層會變成極地，7米高的磅礡冰川、近16米長的白雪步道，配合LED燈光表演，營造彩虹、雷電及融冰天然景觀，相信「自拍神器」定必大派用場。