前球王馬勒當拿近日突然同前女友奧利華復合，之後同遊杜拜渡假，點知俾記者影到佢哋喺泳池打得火熱（圖），老馬仲一手摸落奧利華重要部位，施展「上帝之手」，成張相都好三級。好多網民睇完後，鬧爆馬勒當拿鹹濕唔知醜。老球王變老淫蟲，我求大俠覺得好心佢上到酒店先同女朋友做呢啲嘢啦，公眾場所就唔好公然調情啦，俾記者影到幾肉酸！話時話，就算我好似賭神咁識睇穿骰盅，都睇唔透馬勒當拿同奧利華嘅關係。年初分手嗰陣，佢兩個爭啲鬧上法庭，上個月被揭懷疑老馬醉酒後向奧利華郁手嘅影片流出，轉頭老馬又決定唔告奧利華偷竊，之後兩個又無端端復合，老馬仲喺電視節目唱冧歌，已經令好多人頴晒頭，到咗𠵱家佢兩個就好似糖黐豆咁，奇唔奇？
識睇，一定係睇足英台【英波Live】：
http://soccer.appledaily.com
http://bit.ly/engballlive