執達主任噚日到旺角佔領區執行禁制令，拆除路障，好多泛民立法會議員到場視察執行禁制令情況，到中午時分，經民聯梁美芬都唔執輸踩入佔旺區，當然俾佔領人士噓爆兼搞到場面混亂，變相加重警方工作，不過佢仲理直氣壯話：「個point係我係立法會議員，辦事處喺砵蘭街，好多街坊希望我哋睇住佢點樣搬離……」鼠王芬一面講一面舉機影在場人士（圖），遭留守人士指罵，結果要警方勸喻及護送下佢先肯離開。其實鼠王芬全程強調自己係九龍西立法會議員，又叫大家畀空間「立法會議員落區」，開口埋口宣示「主權」，唔知係咪有心講畀代表潮聯小巴商會向法庭申請禁制令嘅民建聯成員、律師陳曼琪聽呢？