【維基開戰之旋即添食】以特首選舉作題材的港視開台劇《選戰》，雖然開台至今只播映了兩集，不過外界的反應一致叫好，在劇中一直努力為李心潔籌募選舉經費，更一直在身邊打氣，陪她行過一關又一關的王宗堯，在第3集的預告片上，背景是在一個貨櫃碼頭內，當時天黑黑兼下着雨，見到愁爆的李心潔獨自一人行，聽見她在旁白上說：「你係咪會一直陪我行落去？」接着見到王宗堯在心潔的身後緊隨她的步伐，令人覺得他們之間似乎有千絲萬縷的關係。
王宗堯：成事梗開心
近日因此劇備受關注的王宗堯，昨日被問到與心潔的關係，他在電話上說：「劇情會有交代，但係唔想咁快穿劇情，所以留番畀觀眾慢慢睇！」對於有傳港視有意開拍《選戰》第2季，他說：「我未收到消息喎，但係你問我如果成事梗係開心，呢套劇嘅反應好好，大家又合作得好開心，我喺戲中學咗好多嘢㖭！」港視發言人昨日在電話上說：「如果《選戰》嘅市場反應理想，我哋的確會考慮開拍《選》嘅第2季。由於《選》會播到下年2月，我哋會參考吓大家嘅意見，去調整製作方向同內容節奏，就算落實開拍，都係下年嘅事，最快喺下年2月先會恢復製作。」
採訪：張曦彤
港視開台Timeline：
http://bit.ly/1xPjXK3
（建議以平板或桌上電腦瀏覽）