踏入第5年嘅香港精神大使噚日委任最新嘅6位香港精神大使，當中有視障人士、成功中產、經歷過人生高低潮嘅專業人士，同埋曾經誤入歧途嘅青年人。好似得20歲嘅青年蔡鴻成，讀小學嗰陣試過打同學被判守行為，之後仲犯過毆打同傷人罪，幸而最後得到老師指導，拉佢番入正途，𠵱家搵到自己嘅目標視覺藝術，攻讀時裝設計，之前仲攞過獎㖭。
作為年輕人一分子，蔡鴻成相信青年人都係有目標、有夢想，並唔係好似狼振英口中要「𠱁」嘅，佢仲話好欣賞參與佔領嘅學生有毅力，係為追求未來而奮鬥同付出。成為新一任香港精神大使後，蔡鴻成會同埋另外5位大使落區做分享，八方相信佢哋嘅分享，勝過狼英嘅「𠱁」一萬倍囉。