鄭秀文（Sammi）昨日一身格型現身機場為閃亮聖誕樹作亮燈儀式，大會送贈一支鑲滿紅色水晶咪給Sammi。早前被拍到跟老公許志安手拖手跑步操練，Sammi甜笑說：「我自己好怕落斜路，跑步有個伴，互相扶持，邊個落後咗咪拖一拖，邊個攰又傍一傍咁囉，都係開心嘅。」
近日家傭放假，Sammi指要特別獎勵安仔，因他肩負全屋家務，Sammi說：「佢從吸塵機慢慢學起，帶狗狗去便便，執我隻貓便便，我便便我自己沖廁，呢9日佢都好稱職，令我無後顧之憂。」Sammi澄清安仔沒有送4,000萬豪宅給自己父母，單位純粹安仔投資之用，兩人亦沒有考慮搬愛巢。
採訪：馬建華
攝影：陳慧安