阮兆祥一連四場在灣仔伊館舉行的「2014硬食博覽棟篤笑」前晚圓滿結束,尾場觀眾席上有狄波拉,當祥仔唱到改編自謝霆鋒《非走不可》的新歌《非嘴不可》時,拉姑不怒反笑,聽到歌詞提到霆鋒和王菲翻撻被偷拍,拉姑四哥會難做,栢芝會呷醋,拉姑更笑到抹眼淚。之後祥仔在後台接受訪問時,大感安慰說:「我都有望吓佢哋有乜反應,尤其我唱《非嘴不可》,睇到拉姑笑到抹眼淚,當事人唔覺得我係挖苦佢,我知我過咗關。」
尾場嘉賓陳百祥在現場踢爆拉姑透露四哥向現任女友求婚,陳百祥說:「本來狄波拉放棄咗佢(四哥)之後,佢仲諗住結婚,但佢女朋友話:『你娶我去上海見吓我阿婆,我阿婆由細到大睇你啲戲大。』」
此外,拉姑昨晚在銅鑼灣出席活動時,被問有否與王菲見面兼食飯?她即大晒手機的相片並說:「佢(霆鋒)啱啱嘟畀我,佢話𠵱家要煮中餐畀我食,但我最開心係佢日日搵醫生整骨頭,又話10點幾瞓覺,我死得㗎喇,好安樂。」她又透露婷婷的心情OK。
採訪:盧妹
攝影:陳順禎