【驗樓直擊】
香港小輪（050）粉嶺逸峯入伙，資深驗樓師賴達明驗收一個三房戶，瑕疵多多，大門高低不平，最「牙煙」是主人房窗戶，窗頁鎖柵生銹，鎖窗的拉釘銹到發黃，勁快鬆脫，建議業主要求發展商速換。瑕疵累事，單位評分75分，差過對上一次市建局大角嘴劏房奧朗．御峯獲90分。
業主去年花逾500萬元買入逸峯三房戶，實用638方呎。驗樓師明哥用棒指住門背上角說：「大門裝得好差，高低不平，門片唔貼門框，一扯風，就會呯呯聲！」又指：「除咗大門外，全屋嘅門都裝得好差！」近廳那間客房門，關門後要用力拉動才會鎖上。
單位部份用料欠佳，主人房窗台雲石有漬，屋內多項設備呈現銹迹。
明哥推開主人房窗戶，鎖住窗頁的鎖柵生銹，用來鎖住窗頁的拉釘完全變黃，若拉釘鬆脫，窗頁鎖不穩，打風時，隨時被吹落街。明哥批評，作為全新單位質素不能接受，建議要求發展商更換。
另浴廁地台無做防水膠邊，部份邊位甚至出現虛位，「日後業主會問，點解個浴盆櫃咁快發霉嘅！原來是地台長期滲水所致。」
觀塘觀月．樺峯開始收樓，本報將委託資深驗樓師進行驗樓，已收信獲通知收匙的讀者，可將資料及聯絡方法，電郵至mailto:[email protected]。
