「中國首富」馬雲自嘲混蛋！佢早前接受央視網訪問嘅全文出街，原來佢唔只話做首富痛苦，仲爆料話阿里絕大部份高層本身都冇錢，唔保證前線員工可以唔受短期利益所迷惑，踩埋自己話「我自己馬雲做事情的時候，我至少有30%做的事情是混蛋事情，我有時候也會想這樣的事情，我也沒有那麼道德高尚。」
被問到贊唔贊成向佢徵收80%稅以減少貧富差距，佢只係叫大家唔好仇富仇官，「不是把地主殺了，農民就能變富」，又話「80%的財富不要徵稅，它不用徵，我自己會捐出去的」。
如果根據馬雲話自己有30%做嘅係混蛋事情，咁唔知佢講「做中國首富令我非常痛苦」、「支付寶股權轉讓是艱難決定」呢類金句係唔係佢所講嘅「混蛋事情」呢？