【生不逢時】
當時仍未加入政府的馬時亨，亦是創業板上市委員會的成員之一。雖然馬時亨未有在創業板的職位上逗留太長時間便加入政府，但15年過後，他對當年在創業板的工作仍有印象，最可惜創業板生不逢時，「99年創業板出爐，跟住有科網股爆破，可能打窒咗有啲投資者信心」。
在加入創業板的上市委員會前，馬時亨亦曾出任主板的上市委員會，他憶述指，「創業板出爐，羅嘉瑞叫我入埋去嗰個上市委員會」。
創業板公司的規模及穩定性始終不及主板，但又要肩負孕育有潛質公司的任務，馬時亨亦指要平衡市場發展及投資者保障兩者並非易事，「風險程序係同主板有分別，好多（創業板公司）都歷史短，行業收入不穩定……又要提醒投資者buyer beware（買家要小心）」。
雖然有主板上市申請的審批經驗，但面對創業板的上市申請，馬時亨表示，「開始嘅時候摸着石頭過河，都唔知咩公司嚟申請，嗰陣時希望幫到一啲細公司，符合唔到主板嘅條件，咪睇下囉」。
難忘小室哲哉公司上市
對於提到不常見的公司，馬時亨審批過最深刻的創業板公司就是由日本「樂壇教父」小室哲哉創辦，主要從事音樂製作業務的Rojam（8075，現為寰亞傳媒），他指出，「我最記得日本歌星公司嚟過上市，當時係好特別嘅公司，咁主板緊係冇乜類似嘅track record」。