佳士得噚日在港舉行秋拍，其中一場係新設嘅名貴手袋拍賣，現場有近200人出席，唔少係拎住名貴手袋嘅女士，佢哋一邊留意拍賣情況，一邊拎住圖錄翻完又翻，十分投入。
今次佳士得總共拎出122個包括愛馬仕（Hermès）、Chanel等名貴手袋出來拍賣，埋單賣出115個，佔總數94%，總成交額係1,380萬元，已經較原本預計700萬元高出接近一倍。
今次拍賣，重點拍品之一係一個愛馬仕霧面石墨色尼羅鱷魚皮柏金包（一級評級，等於未用過），最終由一名亞洲買家以超過56.25萬元成交，較估值下限35萬元高出61%。同場，另外有兩個分別獲一級與二級評級嘅愛馬仕手袋，同樣由亞洲買家各以56.25萬元成交，係全場最高價。