英格蘭女足（白衫）啱啱喺溫布萊球場創紀錄，佢哋喺周日鬥德國女足（黑衫）嘅友賽，雖然輸0:3，但就係溫布萊重開以嚟，首次上演嘅英格蘭女足賽事，而且仲要有破紀錄嘅45,619名觀眾捧場，比起上次英格蘭喺溫布頓友賽挪威嘅40,181人多5千幾人！
當然，入場人數比男足多，你可以話係因為英格蘭男足近年表現屎，不過，亦唔能夠抹煞女足越嚟越受歡迎呢個事實。點解女足越來越受歡迎？除咗水準提高之外，亦因為陣中不乏靚女甚至係「型仔」球星囉！其實，呢個趨勢近年喺各項球類運動都有出現，以中國為例，近年就有啲外表中性嘅球員，勁有巿場，仲要係男女通殺嗰隻。
我講嘅有「最帥女排球員」之稱嘅張曉雅，同埋已經喺福建農林大學畢業嘅籃球手刑雅晨，更被譽為「史上最帥女漢子」，佢哋兩個除咗有龐大嘅女性應援團之外，亦有唔少男性粉絲支持㖭！
文：吾中
以女性角度看球星新聞，唔用眉筆用原子筆寫低球壇百態！
識睇，一定係睇足英台【英波Live】：
http://soccer.appledaily.com
http://bit.ly/engballlive