身為年輕人，點會唔知《100毛》係乜？佢哋成日read到年輕人嘅心思，同青年企喺同一陣線。雜誌創辦人林日曦肯肯定留意到，民建聯元秋蔣麗芸已經成為年輕人嘅「偶像」，噚日佢喺商台節目點唱環節，窩心點唱大熱粗口歌《話你戇×怕你嬲》畀元秋聽。
點解好歌贈「佳人」？林日曦話成日透過電視、網絡「欣賞」元秋喺議會內「非常之吸引人」嘅辯論技巧，覺得佢嘅發言「經常都啟發到一眾嘅年輕人佢哋思考，為佢哋帶嚟好多歡樂」，難怪要「鼓勵」一番。唔知元秋聽到其中一句歌詞：「你沒有信念請行埋一邊，咪阻擋理想開花那一天」，會唔會使出獅吼功回禮？