和平佔中三子打算喺下月初自首，然後退出呢場佔領運動，屆時佔中秘書處都會停止運作，點知停工前夕，和平佔中依然係被搞對象。和平佔中秘書處話呀，噚日朝早發現有人以秘書處名義，用一個假嘅電郵戶口發出虛構聲明，內容係話「和平佔中就警長心臟病發命危一事發表聲明」。秘書處發現，嗰個仿冒電郵嘅戶口為：mailto:[email protected]，而電郵中更有連結，㩒咗之後就會去到另一個隱藏不明嘅網站，有可能藉此入侵電腦或散播電腦病毒。
秘書處強調，和平佔中發嘅聲明會先喺社交網站同網頁張貼，唔會隨便發電郵畀市民，呼籲市民小心。