英國萬人迷碧咸（David Beckham）擁有優良基因，跟老婆Victoria結婚15年，生咗四個寶貝仔女，三個仔仔都生得好靚仔，碧咸次子Romeo更於上年及今年被Burberry 睇中拍其廣告片。
不過，照計都係碧咸孻女Harper Seven（哈七）最受歡迎，絕對係超萌潮B，被網友封為「萌神」，日前網上流出碧咸嫂Victoria嘅兒時舊照， 被網友發現幼時Victoria竟同愛女哈七笑起上嚟成個餅印咁，原來哈七係似媽咪多啲，仲發現佢哋越大越似樣。
據知現年40歲嘅Victoria日前係為妹妹慶祝生日，先po出佢哋嘅兒時合照，讚Victoria 嘅「基因太強大」，還有網友指哈七長大後都會變成大美女。