呢期玩具界熱話，一定係精品開倉！如果呢幾日有去過，應該會發現排隊問題非常嚴重，由13樓門口，直排到地下做成一條巨大人龍；好多到現場掃貨的玩具迷表示，平均需要半個鐘頭先上到一層樓，計計數都要六個鐘先可以抵達開倉位置，都咪話唔得人驚！
記者今早走去再睇，大概早上10點，人龍都要有成三層樓，明顯比早幾日少了，據玩具迷表示，原因是最正嘅貨應該已經俾人掃晒，所以去唔去都冇所謂；不過記者收到風，由於舊貨差不多掃清，為了填補空缺，所以連新貨都攞埋出嚟！打頭炮的是Bandai最新出的模型系列，分別有黑武士及其座駕－－TIE ADVANCED x1，出面一般街價為$200餘元，這裏只需要$170。
開倉時間:
11月24日(一)12:30-21:00
11月25日(二) 13:00-22:00
地點：荃灣沙嘴道40-50號榮豐工業大廈1309室
記者:朱崇德