返工好易做到滑晒牙，徐緣就深明此理，所以非常鼓勵下屬，發展第二人生或者第二事業。第二人生可以係一份兼職、一種嗜好、又或者係一種興趣。點解咁大方？徐緣就話︰「副業往往能夠幫到正職，唔一定係工作上有乜嘢利益，而係你能夠喺副業上做得好，其實會令你嘅自信強好多！」
自信強咗有乜好處？「好多人返工乜嘢都唔敢講，我見到好多人，做到四五十歲，唔敢出聲，因為佢哋覺得四五十歲點樣去搵工？到咗四十嘅時候，就冇晒鋒芒！」啱嘅，工作磨蝕青春，更加磨蝕青春嘅棱角，當一個人做到滑晒，又同鹹魚有乜分別？
唔好做鹹魚！星期四晚11:00《亂噏24》足本版！