禮拜三谷草賽事用C欄，睇番最近10月29日同一移欄賽事，放頭馬連場報捷，分別有「金威利」、「四喜滿堂」、「悅欣賞」、「振興中華」、「綻放美麗」及「享耆成」放到，而一至四檔馬更包辦五W，抽內檔嘅快馬可以優先留意。今戰列陣馬中，第三場「悅欣賞」上仗正是於10月29日谷C欄贏馬，勝後等番同一移欄先再跑，仲要抽埋黃金一檔，有力再下一城。另外，二場「創出商機」歷季七戰谷C欄五度入Q，快馬抽一檔如虎添翼，結合跑道形勢可穩位望贏。