「超人」李嘉誠嘅維港投資（Horizons Ventures）為咗籌備明年1月嘅以色列參觀團，掌舵人周凱旋（Solina）上周五親自現身理工大學，向大約50名有份以色列嘅學生傳授錦囊。不過，華華喺現場嘅非正式調查發現，唔少學生竟然不知周凱旋是誰。
Solina當日邀請咗以色列諾貝爾學者Dan Shechtman同學生分享，講創業小貼士，又要求學生用30秒自我介紹。
睇完學生嘅表述方式後，Solina就同班學生講，其實佢嘅目的係教佢哋點樣賣橋，佢指，賣橋係搞startup最重要嘅環節之一，唔應該念口簧、一口氣講太多資訊。佢自己最欣賞簡潔、化繁為簡嘅表述方式，仲要可以繞樑三日先至係王道。
Solina當日仲邀請好友俞琤撐場，兩人中場休息時，仲俾智能手機考起，搞咗一輪先處理到相片同影片。
而為咗班學生，Solina就話真係疲於奔命，當日凌晨5點就起身，直踩到夜晚9點幾。不過，華華隨便詢問現場十幾位學生，佢哋竟然不知周凱旋是誰，唔知會唔會浪費咗Solina一番心血呢？