下周二12月2日蘇永康（康仔）和女友馮翠珊結婚，前晚蘇永康、梁漢文與著名小提琴家姚𤤴在香港大會堂音樂廳舉行慈善音樂會，康仔被問到婚禮進行如何，他透露屆時筵開49席，廣邀歌星和電影藝人，他說：「大宇（陶大宇）我第一個打畀佢，佢話有工作，我想《壹號皇庭》都嚟，咁張家輝2號生日，佢話費事『濫炒』做大份人情，嗰日陪老婆。」
每逢喜慶日子，梁漢文兩杯落肚就會醜態百出，擔任兄弟的他揚言康仔結婚當日不打算頂酒：「我幫佢睇住個場，唔睇住個場搞唔掂，我都知我娛樂性太豐富，無謂第二日（報道）都見到我。」康仔表示不相信梁漢文不飲酒，而且希望見到他的醉貓樣。
採訪：盧妹
攝影：沈健程