【寶 琳】
【本報訊】10數名學民義工昨午在寶琳港鐵站外擺設街站派傳單，不少持相反立場的市民到場叫罵，其間更遭疑似有背景的「肥瘦雙雄」從高處投擲數枚水彈，並搶去數百張傳單，學民報警求助。學民思潮召集人黃之鋒其後更被一名香港寬頻的街站員工辱罵及推跌在地上，黃不追究，但警方以涉普通襲擊罪拘捕一名27歲男子。
昨午約4時，一名戴口罩、染有一頭金髮的黑衣肥仔，突從寶琳站行人天橋向街站先後擲下數枚水彈，有義工及部份傳單被濺濕。該肥仔稍後匯合另一名白衣瘦同伴，搶去街站的數百張傳單。
一度潛水 拒接電話
有義工試圖阻止但不成功，遂以手機沿途拍下男子樣貌。有義工質問兩人「大佬係邊個？」白衣男回頭怒斥「我中華人民共和國嘅，嚟吖！報警！」
據悉踩場者為肥樂及阿豪。警察到場後拉住阿豪問話，肥樂一度潛水，阿豪致電，肥樂也不敢接聽，只以WhatsApp回覆。記者其後致電肥樂，他強調自己是「攞」傳單，「你放晒出嚟喺公眾地方就係畀人攞㗎啦，我屋企多人睇攞多幾份咋嘛」。他又否認有掟水彈。肥樂母親陳女士搶過電話，自稱本來支持學生，「你擾民擾得太耐，要佔就返屋企佔」，「點知幾時輪到佔將軍澳？」