【壹週刊】兩個新居屋：美盈苑及美柏苑，都在大圍，只是一街之隔。這裡最靚的是校網，要贏在起跑線，又住唔起九龍塘，可揀「一脈相連」(當年同區豪宅「名城」銷售口號)的大圍。事實上，大圍所屬的88號校網，小學有沙田官立小學及聖母無玷聖心小學；中學有沙田官中、浸信會呂明才及聖公會曾肇添等傳統名校，久不久出狀元。
這裡亦是百份百住宅區，樹蔭處處，不時傳來蟬聲，有人放狗、有人散步，屬真正的「心曠神怡」，讀書環境都休靜啲，是怪戰家長的當然首選。記者問剛接大仔放學的黃小姐，她說：「依區都有唔少出名嘅英文中小學，我大仔讀個間（樂善堂楊郭小琳中學）都唔錯！附近選擇好多，絕對有得揀。」要留意的還有，美柏苑最平單位只是一百八十七萬，一成首期只是十八萬元，入場費是五居屋中最平，啱哂年輕小家庭。
與有校網優勢的美盈苑及美柏苑相比，青衣青俊苑則相對不能吸引年青一代，住在旁邊長青邨的街坊曾女士說：「去青衣城巴士係方便，但我地依個位係葵芳小巴嘅尾站，成日上唔到車，交通咁唔方便，所以啲後生都唔願住依到。」除了呻交通不方便外，曾女士續投訴邨內「無啖好食」，「依到餐廳好少，茶餐廳咁多年都係嗰間，對面美景最近開返間大快活先叫好啲。以前無大快活仲慘，要多啲野食就要去長發商場，葵芳或者青衣城。依到個街市都老化曬，要搭程車去青衣宏福街市先多啲選擇，車程十分鐘左右，耐就唔耐啊，但曬錢嘛！」
iPhone版下載：
http://goo.gl/1SDaWF
Android版下載：
http://goo.gl/xfQS8D
壹週Plus網頁
http://nextplus.nextmedia.com/