喺無綫橫行嘅余詠珊，早前向幕後發出一份封殺名單，當中有係樂易玲派嘅陳嘉桓，由有線過檔嘅男友衞志豪亦被叮出余派。
陳嘉桓與男友衞志豪秘密拍拖多年，一直保持低調，就算出街拍拖都好小心。呢日兩人喺銅鑼灣食完飯，一前一後走，中間仲搵埋朋友三人行，行到橫街兩人先拍住行。
其實余詠珊回無綫後，對有線人特別照顧，唯有衞志豪例外，因為佢唔係由余詠珊叫過檔。衞志豪因為係明星足球隊成員，同譚詠麟及曾志偉好熟，所以阿倫同志偉幫佢拉線入無綫。而家志偉同余詠珊反晒面，再加上女友陳嘉桓曾現身樂易玲生日派對，被判為樂派，呢對苦命情侶，想有運行都幾難。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/