唔少馬主呢日(22日)到快活谷馬場睇愛駒試閘,「劍」系女馬主葉思貝及拍檔許坤華都有出現,其中貪靚的葉思貝唔理天氣漸凍,仍一身短裙,大晒一對白滑長腿。「劍無情」和「劍十三」都有份試閘,告東尼馬房的「劍無情」最叻仔,在蔡明紹胯下試1700米草閘跑第一,走勢有進步,稍後報名出賽就要吼實喇,而廐侶「劍十三」於另一組1700米草閘只跑第四。葉思貝表示對每匹愛駒都不會偏心,「劍無情」同「劍十三」試閘後均見貝貝輕撫馬頭,以示獎勵,令兩隻馬仔冧晒!