黃霑生前相識遍天下，明日是霑叔逝世10周年，自然會勾起不少生前友好對霑叔的懷念。
鄭欣宜：
「佢講粗口講得好聽、流利、語法冇錯，你會明白件事係需要講呢句。」
羅家英：
「喺節目《三個光頭佬》，榮幸同名嘴一齊講嘢，佢好厲害，我從中學咗好多嘢。」
鄭國江：
「霑哥當年幫我申請成CASH（香港作曲家及作詞家協會），為我保留唯一收入。」
葉麗儀：
「我每一次唱《上海灘》都會諗起佢，因為份詞係佢填寫。」
張武孝（大AL）：
「大AL俾第一個男人濕吻就係霑哥，因為佢飲醉酒，成個嘴塞埋嚟。」
黎彼得：
「霑叔成日話我蠢，唔為名唔為利，入呢個圈做乜，成日講粗口鬧我㗎！」
張敬軒：
「我人生要數一件最光榮嘅事，我會以有一首黃霑老師填詞嘅作品為榮。」
蘇永康：
「霑叔當年發掘我唱廣告歌，之後畀咗我好多機會同鼓勵我。」
