【本報訊】36歲駱嘉樑（Jackie）從事展覽業10多年，每次均為他人作嫁衣裳，未曾舉辦一個屬於自己的展覽會，「我自細就鍾意玩具，今次終於一償心願舉辦TOY SOUL，亦可以話係我至今擁有最大嘅一個玩具；而影響我最大嘅就係人偶教父Michael Lau」。
Jackie解釋，他自小收集人偶及四驅車模型等，10多歲時在英國讀書，玩具店擺滿Michael Lau搪膠人偶，更有不少外國朋友大讚Michael的作品，「我當時覺得原來香港人咁威，做公仔玩具做到喺國外街知巷聞」。
嗜好收集人偶的Jackie其後投身展覽會事業，「機緣巧合今年同一班玩具商傾開，傾傾吓不如搞番個玩具展，大家一拍即合」。最令他開心是偶像Michael Lau亦參展，「我之前識Michael，但佢唔識我。因為呢個展覽，大家結識咗」。Jackie的兒子僅八個月大，笑言兒子對TOY SOUL扭閃卡機愛不釋手，望子成龍外，也望與兒子分享收藏玩具的樂趣。