【中環】鞏俐噚日已經飛返台灣，為聽晚舉行嘅金馬獎頒獎禮準備，鞏俐今年會憑張藝謀導演嘅電影《歸來》角逐金馬影后，雖然佢係今年呼聲好高嘅影后人選，但日前佢接受本報專訪時就講過，今年嘅金馬獎係前所未有咁激烈。唔知係咪因為呢個原因，令鞏俐最近嘅睡眠質素變差，上個星期五（14日），佢同一位女性友人喺中環ifc行街，雖然只係夜晚7點幾，但鞏俐就已經表現得好疲倦，去到其中一間鞋舖試鞋時，仲突然俾睡魔急call一樣，不停口擘擘「放蚊」，加上佢當日只係化咗好淡嘅妝同戴咗副粗框眼鏡，倦容就更加明顯。
走光冇有怕
當日鞏俐所揀嘅鞋款，主要都係閃到反光，最適合上台着嘅款式，其次就係揀長靴，不過鞏俐揀高踭鞋好快手，揀靴就睇咗好多對，由啡色試到黑色先至揾啱心水，最後就買咗一對高踭鞋同一對靴，試靴時更加盡顯豪邁本色，完全唔擔心會走光，一手就將長裙抽起，露出白滑大贑企喺鏡前左照右照。
採訪、攝影：李志明
【三個粉絲去首爾】
追星實錄，即上韓劇讀： http://hk.apple.appledaily.com/kstar