逢年尾，大小百貨公司都推出大減價，今個周末(11月20至23日)，這邊廂有Sogo感恩祭，那邊廂又有一田購物日。大家都知這些減價一定人多得逼爆玻璃，準備殺入戰場搶平貨前，除咗做定熱身，更應該做好功課，認清減價貨，mark實心水目標，才能順利完成任務。
先講一田超市，今次主打火鍋生料：俄羅斯切件鱈場蟹、印尼野生老虎蝦、冬蔭公魚餅……應有盡有，價錢大約7折左右。公關透露由於日圓跌至7年新低，很多日本蔬果、海產、麵食醬汁都特別抵買。好似4個裝的岐阜柿，舊年賣緊$44，今年減價至四十蚊有找；北海道帶子刺身，就比舊年減大約十蚊，1公斤賣$228。
溫馨提示：如用恆生信用卡簽帳，更可獲額外95折。
至於Sogo，他們已將超市的減價商品，放在網頁上，天天有新貨。我查過，最吸引是星期六特價的法國Rougie鵝肝，罐頭和急凍鵝肝都有減，比原價平1/3。好似145g的罐頭鵝肝醬，平日賣成三百蚊罐，現在六百蚊就有3罐，買來開聖誕party，實行豪搽麵包。另外附設在超市層的甜品店好似Milk Top、Mother's Crepe、Mon cher、petite Amanda等都有9折優惠，可以入去行吓。
一田購物節(即日至11月24日)
http://www.yata.hk/tch/
崇光感謝周年慶(即日至11月23日)
http://www.sogo.com.hk
記者：胡慧敏