前晚有班蒙面示威者暴力衝擊立法會大樓，一幅磚牆被撞漽後，被發現牆後原來有度鐵門，門後有條樓梯，鬼祟秘道非常可疑，惹人猜想係咪一條通往政府總部嘅秘道。噚日新民主同盟范國威喺立法會保安人員帶領下，親身行過呢條通道，發現原來只係一條通往立法會停車場嘅走火通道，當然啦，立法會停車場係可以通往政府總部嘅，但必須行政同立法機關一齊撳掣開閘，通道先會開放。
咖喱范話做咗兩年議員都唔知有呢條通道，認為既然係求生通道，點解可以咁隱蔽？另一大發現係，如果喺立法會停車場想用呢條通道求生，即使係尊貴議員，拍極卡亦出唔到，大吉利是有意外，真係唔知點算好。