羅霖和王敏奕昨日於尖沙嘴出席羽毛球活動。羅霖指過往會跟三個囝囝以打羽毛球來作親子活動，但自從大仔去了英國讀書後就減少。提到大仔於英國生活，羅霖說：「佢好掛住我煮啲餸，喺香港我除咗係母親外，仲係佢哋嘅秘書、工人同朋友，佢𠵱家所有嘢都要自己做，先知有媽媽喺身邊嘅好處。」
羅霖又突然提到王祖藍前晚於大台台慶上向李亞男求婚一事：「雖然我冇睇，但都好戥佢哋開心。」她指不覺得整場求婚做騷味濃，並稱現時甚希望再有男士跟自己求婚：「如果係我鍾意嘅我都會答應，不過咁大件事我一定會喊，但我就唔係幾想俾其他人見到自己個喊樣。」
王敏奕稱戥王祖藍高興，但自己就未幻想過男友向自己求婚的情景：「不過其實冇所謂，形式唔重要，有嗰份心意就得。」
採訪、攝影：譚倩宜
【三個粉絲去首爾】
追星實錄，即上韓劇讀： http://hk.apple.appledaily.com/kstar