【本報訊】魔童闖蕩電視圈，商業成果尚未可知，但肯定贏得年輕人歡心。昨港視開台劇《選戰》首播，浸大三年級生Curry稱劇集開首字幕稱2017年港人只得到有限制的普選，及以碼頭工潮為藍本的劇情和場景，均與香港面對政改陰霾的現況一致，猶如「神預言」，「一兩年前睇未必咁中，𠵱家時機夾到」。另一浸大生Rondo亦指「有得揀，一定睇港劇」。
盼增設新聞頻道
記者昨午造訪Rondo和Curry的宿舍房間，兩人正與宿友同看《選戰》，四名男生驚嘆以實景拍攝劇中特首選舉點票一幕。Curry說，「平時睇開啲辦公室，永遠得幾塊板」。劇情夠薑談政治，「TVB睇嚟睇去都係爭產，搬去第二個朝代又當新嘢」。不過，時間一久題材難免重複，新鮮感褪去便見真章。他希望港視上軌道後增設新聞頻道，「新聞最反映到嗰份態度，觀眾feel到」。
Rondo則最愛科幻題材，以往港劇獨沽一味，惟有煲美劇，但聽不懂俚語和本土笑話，文化差異難跨越，「好似『儍的嗎』，香港觀眾有共鳴，但外地人就唔知你講乜、有乜咁好笑」。若然港劇爭氣，必定支持，「親切啲」。他說，在地鐵、巴士拿着手機煲韓劇的不少是師奶，連他媽媽也不停催他幫忙在平板電腦安裝港視程式，認為互聯網模式不會局限發展，但稍嫌廣告太多，「地鐵坐三個站都仲播緊廣告，可能就冇心機等」。
港視開台Timeline：
http://bit.ly/1xPjXK3
（建議以平板或桌上電腦瀏覽）