以曲線鬧人出名嘅才子陶傑，前晚又發功，對象係因為被指太囂張而被內地封殺嘅鄧紫棋（G.E.M.）。前晚佢喺fb度貼咗張同G.E.M.嘅合照，仲寫話：「今天遇到G.E.M.。她看來有點累，但鬥志如昔。她不止是歌星，更是一位實力和靈魂歌手。她舉手投足，都揮露着性格和激情。在空氣混濁的華人社會，性格是稀有金屬，激情是彩虹。所以，以G.E.M.的歌藝，只要她登台，只要我在附近，我一定去看她。」呢段文一出就有網民大鬧陶傑轉軚，網民話：「看來陶傑有利益衝突，完全冇寸過G.E.M.一句」、「似乎陶傑品味奇差呢？她假音扯高之強硬鬼叫一樣……」
「性格係稀有金屬」
不過高登網民就有另類解讀，覺得才子曲中有圓，暗地係踩緊G.E.M.喎。首先證據係佢冇讚過對方嘅歌藝，其次話G.E.M.性格係「稀有金屬」，激情係一瞬即逝嘅「彩虹」，唔知係讚定彈。最抵死係最後一句，網民認為「佢（陶傑）話『只要我在附近，我一定去看她』，陶生的意思即是平日一定唔會聽佢啲歌。」
撰文：馮仁昭
【三個粉絲去首爾】
追星實錄，即上韓劇讀： http://hk.apple.appledaily.com/kstar