都說小股東越來越專業，去股東會唔係掛住食咁簡單，會質詢大股東或管理層，仲多咗投反對票反對公司議案。噚日新世界發展（017）舉行股東會，例牌又有重選董事呢項決議案，竟然有超過三成票，反對大股東鄭氏家族成員鄭家成與鄭志恒兩父子連任，雖然最終成功過關，但反映到小股東有不滿。
對上一次2012年重選董事，鄭家成與鄭志恒兩父子嘅反對票都唔夠8%，兩年之間變化咁大，睇嚟小股東對佢哋嘅表現頗不滿喎。
睇番新世界舊年股東會重選董事，唔少老臣子都有兩成幾人反對，連主席鄭家純都有兩成八人唔畀面。值得一提嘅，係舊年唯一一位攞九成幾贊成票嘅，係只得35歲、純官阿仔鄭志剛，佢由2007年出任董事之後一直高票連任。