古天樂和台灣女星郭采潔在巴黎拍攝的愛情電影《巴黎假期》日前煞科，導演阮世生在拍攝期間與法國大導洛比桑（Luc Besson）數度結緣。阮世生外景拍攝地點遍及名勝包括艾菲爾鐵塔、凱旋門、蒙馬特廣場、聖心堂及著名咖啡店Fauchon等，碰巧洛比桑亦於當地拍攝新片《Bastille day》，結果多次撞景而要被迫讓路。
阮世生感激洛比桑
其中一幕古仔和郭采潔的天台戲，原構思是近距離接觸艾菲爾鐵塔，就是因為洛比桑一口氣封了5條街取景，令《巴黎假期》的攝製隊無法搬運器材上樓。而拍到最後一場外景戲時，他們又遇上洛比桑製作團隊，阮世生說：「我哋喺白教堂拍最後一場外景戲，因為嗰日係假日，白教堂人山人海，古仔同郭采潔已經凍到打冷震，但埋位時不停俾圍觀嘅遊客閃燈影相，喺呢個時候，泊咗外景車喺附近嘅洛比桑製作團隊，突然有10幾人落車，佢哋手拉手同香港工作人員築人鏈，阻遊客走埋嚟影相。雖然冇緣同洛比桑碰頭，但幾次都撞到佢嘅攝影隊，仲幫埋手，真係幾榮幸，希望將來有機會喺影展碰頭。」
完成拍攝後，古仔與幕前後工作人員在當地唐人街一間酒樓開香檳慶祝，阮世生公開讚郭采潔是他心目中第2個具演戲天份的女演員，令郭采潔感動得眼紅。
撰文：麥萍萍
【三個粉絲去首爾】
追星實錄，即上韓劇讀： http://hk.apple.appledaily.com/kstar