港視現任執行董事及行政總裁（CEO）杜惠冰，於城市電訊時代已跟隨王維基，杜惠冰昨說：「香港開放IDD，嗰時王生喺香港電訊捉我出嚟，好大手筆撬我去CTI，幫佢做國際業務，傾價錢，佢同我講抽到支籤，話佢會打敗大笨象，我半信半疑，後來證實到呢支籤係靈。」
工作上，杜惠冰笑指自己是一個「補位」，填補王維基不足之處，她說：「我同佢係互補，佢做唔晒我做，電視工作一齊學，我會睇多啲operation。佢落指令，我去執行，如果就咁跟佢個指令，就會死晒。我做個中間人，佢講嘢好極端，例如話『唔得就要去死㗎啦喎』，咁佢唔係真係叫你去死，又例如佢叫你轉頭走，唔係真係叫你走，我哋呢套同TVB好唔同，磨合上我要做一啲調校。」
其中本地劇集《選戰》內容指內地干預特首選舉，可怕秋後算賬？杜惠冰說：「我哋冇特別箝制班創作人，呢啲題材喺外國其實好普通，喺香港睇先至覺得敏感，用一個敏感角度咪覺得踩線囉，其實係一個娛樂、一個drama，唔使咁政治化去睇。」
採訪：魯吉
港視開台Timeline：
http://bit.ly/1xPjXK3
（建議以平板或桌上電腦瀏覽）