港台最近又因為台長鄧忍光大玩親疏有別，搞到員工內部分裂。話說港台電視及機構業務公共事務組總監蔡貞停，今年1月提早退休後，電視部員工一直以為負責開《頭條新聞》、副總監王祿霞有得坐正，點知鄧忍光竟然欽點愛將，即係做開電台及節目策劃總採訪編輯嘅劉美玲接任，搞到唔少電視部員工覺得難以接受，不滿點解有自己部門嘅人唔升，要搵個電台部高層「空降」?
據知一班電視部員工上周五搵過戴健民講數，獲回覆王未能升正，因為做特級節目主任不足一年，但有員工踢爆，有其他部門員工即使未做夠一年，都可以做總監，覺得戴講無道理。員工又約見鄧忍光兩次，但兩次均被請食檸檬，更遭台長警告，話若果喺工作時間抗議或搞默站，可能違反公務員守則，難怪班電視部員工至今激到紮紮跳。