林嘉華以《警界線》為港視省靚開台招牌，現階段雖只限在網上或智能手機播映，申請免費牌照仍在法律處理中，但他坦言心情興奮：「今次係打破咗一個睇電視嘅傳統，進入一個新紀元，𠵱家睇電視嘅模式唔同咗，唔再係電視送飯。好多先進國家，唔止電話可以睇，私家車都裝埋汽車電視，電視係應該走喺市民前面，帶到唔同資訊娛樂畀大家，如果你接受新模式，呢個就係睇電視嘅新紀元，係個好嘅開始，而唔係美中不足。」
「製作人唔敢怠慢」
林嘉華更有感而發地說：「有競爭先會有進步，製作人先唔敢怠慢去諗嘢，𠵱家我哋期望香港電視嘅製作，回復番以前百花齊放嘅年代，只要成個行業運行得好，根本唔需要擔心有冇好劇本擺喺你面前。我唔會放棄，只係擔心觀眾放棄，佢哋啱睇會繼續睇，唔啱咪選擇第二樣嘢去睇。」
採訪：何慧斯
攝影：葉君海
港視開台Timeline：
http://bit.ly/1xPjXK3
（建議以平板或桌上電腦瀏覽）